आजकाे धादिङ भूकम्पले कहाँ कति क्षति पुग्यो ?
काठमाडौं । आइतबार बिहान गएको भूकम्पले धादिङमा १८ परिवारको घरगोठमा क्षति पुगेको छ ।
आइतबार बिहान ७ बजेर ३९ मिनेटमा धादिङको खरी आसपासलाई केन्द्रविन्दु बनाएर ६.१ रेक्टर स्केलको भूकम्प गएको थियो ।
भूकम्पको धक्का काठमाडौं उपत्यकाका साथै गोरखा, मकवानपुर, चितवनसम्म महसुस भएको थियो । धादिङका प्रमुख जिल्ला अधिकारी बद्रीनाथ गैरेका अनुसार क्षतिको विवरण संकलन भइरहेको छ ।
गैरेका अनुसार मानवीय क्षति भएकाे छैन, घर गोठ भत्किएको, चर्किएको छ ।
प्रकाशित मिति: ५ कार्तिक २०८०, आइतबार
