बुधबार राति फेरि सुदूरपश्चिम हल्लियो, केन्द्रविन्दु चैनपुर आसपास !

काठमाडौं, कार्तिक २
बझाङमा गएराति भूकम्पको धक्का महसुस गरिएको छ ।

राति १० बजेर ३ मिनेटको समयमा भूकम्प गएको हो ।

बझाङको सदरमुकाम चैनपुर आसपास केन्द्रविन्दु बनाएर ४.६ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्र जनाएको छ ।

भूकम्पको धक्का बझाङका साथै बाजुरा, अछाम, डडेल्धुरा, बैतडी, दार्चुलालगायत सुदूरपश्चिम प्रदेशका पहाडी जिल्लामा समेत महसुस गरिएको छ ।