इजरायलले लेबनान सिमातर्फका बस्तीहरु खाली गर्दै

काठमाडौं, असोज ३० । इजरायलले लेबनान सीमानामा रहेका आफ्ना बस्तीहरु खाली गर्न थालेको छ ।

सीमा क्षेत्रबाट दुई किलोमिटर भित्रका गाउँहरू खाली गरिँदै आएको जनाइएको छ।

आइतवार हिजबुल्लाहले एउटा गाउँमा प्रहार गरेको क्षेप्यास्त्रबाट एक इजरायली नागरिकको मृत्यु भएपछि इजरायलले आफ्ना बस्तीहरु खाली गर्न लागेको हो ।

इजरायलले इरानको आदेशमा हिजबुल्लाहले आफ्ना बस्तीहरुमा आक्रमण गरेको आरोप लगाएको छ ।

इजरायलले दक्षिणी लेबनानमा हिजबुल्लाहका सैन्य अड्डाहरूलाई निशाना बनाउँदै राति हमला गरेको थियो।