एसिसी यू–१९ प्रिमियर कपमा नेपाल ७ विकेटले विजयी
एसिसी यू–१९ प्रिमियर कपमा नेपालले बहराइनलाई ७ विकेटले हराएको छ।
आइतबार मलेसियामा भएको खेलमा ३७.५ ओभरमा अलआउट भएको बहराइनले नेपाललाई ७८ रनको लक्ष्य दिएको थियो। नेपालले उक्त लक्ष्य ३ विकेट गुमाएर ११.४ ओभरमा पूरा गर्यो।
नेपालका लागि कप्तान देव खनाल र अर्का ब्याट्सम्यान अर्जुन कुमालले समान ३२÷३२ रन हाने भने दीपक बोहराले ४, दिपकप्रसाद डुम्रे १ रन हानेर आउट भए। उत्तम थापा मगर पहिलो बलमै आउट भए।
बलिङतर्फ नेपालका दिवस कँडेलले ६ र दुर्गेश गुप्ताले ४ विकेट लिए। समूह ए मा रहेको नेपालले गत बिहीबार इरानमाथि २७४ रनको फराकिलो जित हात पारेको थियो।
नेपालले समूह चरणको अन्तिम खेल कात्तिक २ गते साउदी अरबसँग खेल्नेछ।
प्रकाशित मिति: २८ आश्विन २०८०, आइतबार
