कक्षा १२ को पुनर्योगको नतिजा प्रकाशन, चित्त नबुझे हेर्न सकिने
काठमाडौं, असोज २६ । राष्ट्रिय परीक्षा बोर्ड, परीक्षा नियन्त्रण कार्यालयले कक्षा १२ को पुनर्योगको नतिजा प्रकाशन गरेको छ ।
परीक्षा नियन्त्रण कार्यालयले गत साउन ३० गते सार्वजनिक गरेको नतिजामा चित्त नबुझी पुनर्योगको लागि निवेदन दिएका परीक्षार्थीको अन्तिम चरणको पुनर्योगको नतिजा प्रकाशन गरेको हो ।
कार्यालयले परिवर्तित ग्रेडसिट लिनका लागि अबको १० दिन पश्चात सक्कल ग्रेडसिटसहित बोर्डको सम्बन्धित कार्यालय मार्फत परीक्षा नियन्त्रण कार्यालयमा सम्पर्क गर्न सूचित गरेको छ ।
कार्यालयको अनुसार प्रकाशित नतिजामा चित्त नबुझेको खण्डमा १५ दिनभित्र प्रति विषय दुई हजार तिरेर उत्तरपुस्तिका हेर्न सक्नेछन् ।
बोर्डले गत २६ वैशाखदेखि ५ जेठसम्म परीक्षा सञ्चालन गरेको थियो । उक्त परीक्षामा ५०।९१ प्रतिशत विद्यार्थी उत्तीर्ण भएका थिए ।
नियमिततर्फ १ लाख ८९ हजार ७११, आंशिकतर्फ १८ हजार ३०, ग्रेडवृद्धितर्फ ६ हजार १४० जना र २०७२ ७३ को ग्रेडवृद्धितर्फ ६५० जना ग्रेडेड भएका छन् । त्यस्तै ५६ जनाको परीक्षा रद्ध भएको परीक्षा नियन्त्रण कार्यालयले छ ।
प्रकाशित मिति: २६ आश्विन २०८०, शुक्रबार
