आजबाट खुला भयो दसैँका लागि अग्रिम टिकट बुकिङ, पुरानै भाडा कायम !

काठमाडौं, असाेज २२
दसैँका लागि अग्रिम टिकट बुकिङ आजदेखि खुला हुँदैछ ।

गत शुक्रबार सरकार र यातायात व्यवसायी राष्ट्रिय महासंघबीच छलफलमा सहमति भएपछि दसैँ सुरु हुन एक साता बाँकी हुँदा आजदेखि बुकिङ खुला गरिएको हो ।

यसवर्ष दसैँको लागि भाडा वृद्धि नगरी पुरानै भाडामा टिकट बिक्री गर्न यातायात व्यवसायी सहमत भएका छन् ।

गएको शुक्रबार भौतिक पूर्वाधार तथा यातायात मन्त्रालयमा भएको छलफलमा व्यवसायी आजबाट दसैँका लागि टिकट बुकिङ खुलाउन सहमत भएका थिए।

दसैँको अवधिमा काठमाडौं उपत्यकाबाट करिब २० लाखसम्म यात्रु बाहिरिने अनुमान छ ।