दुर्घटनामा पाँचजनाको मृत्यु

तेह्रथुम, मंसिर २६

तेह्रथुमको जिरी–खिम्ती–म्याङलुङ सडकखन्डअन्तर्गत् गढीभीरमा आइतबार यात्रीबाहक बस दुर्घटना हुँदा पाँचजनाको मृत्यु भएको छ ।

तीनजनाको घटनास्थलमै र दुईजनाको जिल्ला अस्पतालमा उपचारका क्रममा मृत्यु भएको हो । दुर्घटनामा परी २३ जनाभन्दा बढी यात्री घाइते भएका छन् ।

घाइतेमध्ये पाँचजनाको अवस्था गम्भीर रहेको बताइएको छ । मृतकहरुको सनाखत हुन सकेको छैन । धरानबाट तेह्रथुमको औंसीडाँडातर्फ जाँदै गरेको ना ४ ख २८६५ नम्बरको बस गढीभीरको सडकबाट करिब २ सय मिटर तल खसेको प्रहरीले जनाएको छ ।

नेपाली प्रहरी, सशस्त्र र स्थानीयवासीले घाइतेहरुको उद्धार गरिरहेका छन् ।