दीपेन्द्रसिंह ऐरी सहायक हवल्दारमा बढुवा

काठमाडौं, असोज १८ । क्रिकेटर दीपेन्द्रसिंह ऐरी सहायक हवल्दारमा बढुवा भएका छन्।

नेपाल प्रहरीका जवान पदबाट उनलाई सहायक हवल्दारमा बढुवा गरिएको डिआइजी कुवेर कडायतले जानकारी दिए ।

चीनको हाङझाउमा १९ औं एसियाली खेलकुदमा रेकर्ड बनाएको भन्दै आइजिपी बसन्त कुँवरले उनलाई विशेष बढुवा गरेको बताए।

सन् २०१६ देखि नेपाल पुलिसमा प्रहरी जवानको पोष्टमा आवद्ध ऐरीको एक तह बढुवा गराएर सहायक हवल्दार बनाइएको हो ।

ऐरीले हालसम्म नेपालका तर्फबाट ५२ ओडीआई म्याच खेल्नुका साथैअन्तर्राष्ट्रिय खेलमा ओडिआईमा ३६ र टी–२० मा २२ विकेट लिएका छन्।