नेपालले क्वाटरफाइनलमा मंगलबार भारतसंग प्रतिस्पर्धा गर्ने
काठमाडौं, असोज १५ । चीनमा जारी १९औँ एसियन गेम्स (एसियाड)मा क्रिकेट प्रतिस्पर्धाको क्वाटरफाइलमा नेपालले भारतसँग प्रतिस्पर्धा गर्ने भएको छ ।
सोमबार भएको लक्की ड्रबाट नेपाल क्वाटरफाइनलमा भारतसँग भिड्ने पक्का भएको हो । नेपाल र भारतबीचको क्वाटरफाइनल खेल मंगलबार बिहान हुनेछ ।
केही दिनअघि मात्र नेपालले भारतको सिनियर टिमविरुद्ध ब्याटिङमा राम्रो प्रदर्शन गरेको थियो ।
यस्तै, नेपालले जारी एसियन गेम्सको समूह चरणमा पनि उत्कृष्ट प्रदर्शन गर्यो । समूह चरणमा नेपालले मंगोलियालाई २७३ तथा माल्दिभ्सलाई १ सय ३८ रनले हराएको थियो ।
प्रकाशित मिति: १५ आश्विन २०८०, सोमबार
