एमाले कोशीको नेतृत्व छान्न रातभरि चल्यो मतदान, दिउँसो १ बजेपछि मतगणना
विराटनगर, असाेज १५
नेकपा एमाले कोशी प्रदेशको नेतृत्व चयन गर्न भएको निर्वाचन मध्यरातमा सकिएको छ । आज मतगणना गरिने एमालेले जनाएको छ । दिउँसो १ बजेपछि मतगणना सुरु हुनेछ ।
आइतबार बिहान ११ बजेदेखि मतदान कार्यतालिका रहे पनि १० बजे रातिमात्रै सुरु भएको थियो । ३७ स्थानमा एकै पटक मत खसाल्ने व्यवस्था मिलाइएको थियो ।
निर्वाचनबाट पाँच पदाधिकारीसहित २१५ जना निर्वाचित हुनेछन् । अध्यक्षमा घनश्याम खतिवडा र विनोद ढकाल चुनावी प्रतिस्पर्धामा छन् ।
आइतबार रातभर चलेको मतदानमा ९९७ मध्ये ९७७ जनाले मतदान गरेको निर्वाचन समितिले जनाएको छ ।
प्रकाशित मिति: १५ आश्विन २०८०, सोमबार
