नेपाल जेसिजको अध्यक्षमा प्रकाश अधिकारीको उम्मेद्वारी घोषणा
![](https://www.deshkonews.com/wp-content/uploads/2016/12/Prakash-adhikari.jpg)
काठमाण्डौ, मंसिर २४
नेपाल जेसिजको आसन्न महाधिशेनकाे राष्ट्रिय अध्यक्षमा पूर्व कार्यकारी उपाध्यक्ष प्रकाश प्रसाद अधिकारीले उम्मेद्वारी घोषणा गरेका छन् । झापाको दमक १३ निवासी ३६ बर्षिय अधिकारीले जेसिजलाई समयअनुकल समाजमा समायोजन गर्दै अघि बढाउन आफूले उम्मेद्वारी घोषणा गरेको बताएका छन् ।
जेसिजमा भएका युवाहरुलाई देश विकाश र समृद्धीको अभियानमा सहभागी गराउने अधिकारीको योजना छ । उनले भने ‘देश समृद्धीको महाअभियानमा छ ।
त्यसका लागि जेसिजले आफ्ना सबै सदस्यलाई उत्पादन र आर्थिक समृद्धीसंग जोडेर देश निर्माणको यो अभियानलाई मेरो कार्यकालमा सघाउनेछ ।’
युवाहरुलाई समाजसेवामा प्रेरित गर्न,सामुहिक सहभागितामा निर्णय गर्न र युवाहरुलाई नेतृत्वमा पु¥याउन आफूले सदैव अग्रणी हुने अधिकारीको दाबी छ । सन् २००२ बर्ष अघि जेसिजमा प्रवेश गरेका अधिकारी २०१३ मा दमक जेसिजको अध्यक्ष,२०१४को उपाध्यक्ष र २०१५ मा कार्यकारी उपाध्यक्ष थिए ।
मंसिर २५ गते देखि तीन दिन धापासीमा हुने महाधिवेशनकाे पूर्व प्रधानमन्त्री एवं कांग्रेसका सभापति शेरबहादुर देउवाले उद्घाटन गर्ने कार्यकक्रम रहेको छ । महाधिवेशनलाई धापासी शाखाले आतिथ्यता गरेको छ ।
महाधिवेशनमा देशका १ सय ३८ शाखाबाट १६ सय प्रतिनिधी सहभागी हुने जेसिज सचिवालयले जनाएको छ ।
प्रकाशित मिति: २४ मंसिर २०७३, शुक्रबार