दोलखाबाट चार किलो सुन बरामद, तीनजना पक्राउ
दोलखा, असाेज ११
प्रहरीले दोलखाको सिँगटीबाट तस्करीको सुनसहित तीन जनालाई पक्राउ गरेको छ ।
गएराति राति प्रहरीले करिब चार किलो सुनसहित तीन जनालाई पक्राउ गरेको हो । इलाका प्रहरी कार्यालय सिँगटीको टोलीले सुन बरामद गरेको बताइएको छ ।
लप्ची नाकाको लामाबगर हुँदै तस्करहरूले सुन भित्र्याएको अनुमान गरिएको छ । पक्राउ परेको परिचय खुलाइएको छैन् । आज बिहान उनीहरुलाई सार्वजनिक गर्ने प्रहरीले तयारी गरेको छ ।
आइतबारदेखि चीनले रोङजिया र कोल्दुम नाका चीनले एक साताका लागि खोलिदिएको छ ।
प्रकाशित मिति: ११ आश्विन २०८०, बिहिबार
