एमाले बागमती प्रदेश अधिवेशन आजदेखि, उद्घाटन गर्दै अध्यक्ष ओली
काठमाडौं, असाेज ८
नेकपा एमालेको प्रथम बागमती प्रदेश अधिवेशन आजदेखि काठमाडौंमा सुरु हुँदैछ ।
अधिवेशनको पार्टी अध्यक्ष केपी शर्मा ओलीले काठमाडौंको भृकुटीमण्डपमा उद्घाटन गर्न लागेका हुन् ।
एमाले बागमती प्रदेशका अनुसार उद्घाटनको दिन आज काठमाडौंका विभिन्न ५ ठाउँबाट जुलुस निकालिनेछ। अधिवेशनको बन्दसत्र कमलादीस्थित नेपाल प्रज्ञा प्रतिष्ठानमा हुनेछ।
अधिवेशनमा प्रदेशभरबाट १ हजार २ सय प्रतिनिधि सहभागी हुनेछन्। अधिवेशनले २ सय ४९ सदस्यीय नयाँ नेतृत्व चयन गर्नेछ। अधिवेशन भोलिसम्म चल्नेछ । एमाले सातै प्रदेशमा अधिवेशन गर्दैछ ।
प्रकाशित मिति: ८ आश्विन २०८०, सोमबार
