नेपाल क्रिकेट संघको सचिवमा पारस खड्का विजयी
काठमाडौं, असोज ६ । नेपाल क्रिकेट संघको सचिवमा पूर्वखेलाडी पारस खड्का विजयी भएका छन् ।
शनिबार भएको मतदानमा निवर्तमान कार्यवाहक सचिव प्रशान्तबिक्रम मल्ललाई पराजित गर्दै खड्का निर्वाचित भएका हुन् ।
कुल ८५ मतदाता रहेकामा ७५ मत गनिसक्दा पारसले जितका लागि आवश्यक ४३ मत पाएका हुन् । पारसले ४३ मत पाउँदा प्रशान्तले ३२ मत पाएका छन् । यद्यपि मतपरिणामको औपचारिक घोषणा हुन बाँकी छ ।
पारस क्यानको बागमती प्रदेश क्रिकेट संघको पनि अध्यक्ष हुन् ।
प्रकाशित मिति: ६ आश्विन २०८०, शनिबार
