नेपाल क्रिकेट संघको अध्यक्षमा चतुरबहादुर चन्द निर्विरोध निर्वाचित
काठमाडौं, असोज ६ । नेपाल क्रिकेट संघ (क्यान)को अध्यक्षमा चतुरबहादुर चन्द निर्विरोध निर्वाचित भएका छन् ।
शनिबार संघको अध्यक्ष पदमा भएको निर्वाचनमा चन्द निर्विरोध निर्वाचित भएका हुन् । अध्यक्ष पदमा चन्दको मात्रै उम्मेदवारी परेपछि उनी पुनः क्यानको अध्यक्षमा दोहोरिएका हुन् ।
यसैगरी कोषाध्यक्ष पदमा पदम खड्का र महिला सदस्यमा जयन्ती खड्का निर्विरोध निर्वाचित भएकी छन् ।
नेपाल क्रिकेट संघको शुक्रबार काठमाडौंमा सुरु भएको साधारणसभा आज शनिबार नयाँ नेतृत्व चयन गर्दै सम्पन्न हुनेछ । सचिव लगायत अरु पदका लागि निर्वाचन जारी रहेको क्यानले जनाएको छ ।
प्रकाशित मिति: ६ आश्विन २०८०, शनिबार
