विश्वकप क्रिकेटको आधिकारिक गीत सार्वजनिक
काठमाडौं, असोज ४ । आगामी एकदिवसीय विश्वकप क्रिकेटका लागि तयार पारिएको आधिकारिक ‘विश्वकप गीत’ सार्वजनिक गरेको छ ।
अन्तर्राष्ट्रिय क्रिकेट काउन्सिल (आईसीसी)ले आफ्नो ट्वीटरमार्फत ‘दील जस्न बोले’ बोलको ‘विश्वकप गीत’को भिडियो सार्वजनिक गरेको हो ।
गीतको भिडियोमा बलिउड नायक रणवीर सिंह मुख्य भूमिकामा देखिएका छन् । उनीसँगै भिडियो धनाश्री वर्मा र गौरव तनेजा पनि देखिएका छन् ।
धनाश्री वर्मा चर्चित भारतीय क्रिकेट युजवेन्द्र चाहलकी पत्नी हुन् भने गौरव तनेजा चर्चित यूट्यूबर हुन् ।
प्रितमले कम्पोज गरेको उक्त गीतमा प्रितम, नकास अजिज, श्रीरामा चन्द्रा, अमित मिश्रा, जोनिता गान्धि, अकासा र चरणले आफ्नो श्वर दिएका छन् ।
आईसीसी एकदिवसीय विश्वकपको १३औँ संस्करण अक्टोबर ५ देखि नोभेम्बर १९ तारिखसम्म भारतमा आयोजना हुँदैछ । विश्वकपका खेलहरू विभिन्न १० वटा रंगशालामा खेलाइने छ ।
प्रतियोगिताको उद्घाटन खेल साबिक विजेता इङ्ल्याण्ड र साबिक उपविजेता न्युजिल्याण्ड बीच खेलिने छ ।
प्रकाशित मिति: ४ आश्विन २०८०, बिहिबार
