उपल्लो मुस्ताङबाट दुई चिनियाँसहित तीन जना पक्राउ
मुस्ताङ । बिना अनुमति उपल्लो मुस्ताङ गएका दुई चिनियाँ नागरिकलाई प्रहरीले पक्राउ गरेको छ ।
उपल्लो मुस्ताङको लोमान्थाङ गाउँपालिकास्थित छोसेर सशस्त्र प्रहरीको बिओपी क्याम्प नजिकै दुई चिनियाँ नागरिक पक्राउ परेका हुन् ।
मुस्ताङका सहायक प्रमुख जिल्ला अधिकारी चन्द्रकान्त बस्नेतका अनुसार पक्राउ पर्नेमा एक पुरुष र एक महिला छन् । उनीहरू अन्दाजी ३०-३५ वर्ष उमेर समूहका रहेको उनले बताए ।
सुरक्षाकर्मीले चेकजाँच गर्दा अनुमति नलिएको पाइएपछि प्रहरीले उनीहरूलाई नियन्त्रणमा लिएको थियो । सुरक्षाकर्मीले पक्राउ गरी दुबै चिनियाँ नागरिकलाई जिल्लामा बुझाएको छ ।
जिल्ला प्रशासन कार्यालय मुस्ताङले पक्राउ परेका उनीहरूलाई सुरक्षाकर्मीको रोहवरमा अध्यागमन विभाग काठमाडौं पठाएको बताइएको छ । त्यस्तै अनुमति नलिई गएका एक भारतीय नागरिक पनि पक्राउ पेरका छन् ।
प्रकाशित मिति: २९ भाद्र २०८०, शुक्रबार
