मेडिकल कलेजमा तोडफोड
चितवन, मंसिर २२
गर्भवती महिलाको मृत्यु भएपछि आक्रोशित भीडले चितवन मेडिकल कलेजमा तोडफोड गरेको छ ।
बुधबार दिउँसो आक्रोशित भीडले अस्पतालको मुख्य गेटको सिसा तोडफोड गरेको अस्पतालले जनाएको छ । भीड नियन्त्रणमा खटिएका तीनजना प्रहरी पनि घाइते भएका जनाइएको छ ।
सुत्केरी व्यथा लागेकी भरतपुर उपमहानगरपालिका कृष्णपुरकी २५ वर्षीया सुनिता गुरुङको मृत्यु भएपछि उनका आफन्तले विरोध गरेका हुन् ।
सुत्केरी व्यथा लागेपछि सुनितालाई सोमबार बिहान अस्पताल भर्ना गरिएको थियो । चिकित्सकको लापरबाहीले सुनिताको मृत्यु भएको उनका आफन्तहरुको आरोप छ ।
प्रकाशित मिति: २२ मंसिर २०७३, बुधबार
