भारतमा नेपाली महिलाको शव सुटकेसमा भेटियो, दुई जना पक्राउ
जयपुर, भदौ ३० । भारतको जयपुरमा एक नेपाली महिलाको शव फेला गरेको छ ।
प्रहरीले बिहीबार ३ सय फिट गहिरो खोँचमा महिलाको शव सुटकेशमा फेला पारेको हो। एक दिनपछि ती महिला नेपालको भएको पुष्टि भएपनि पहिचान भने खुलाइएको छैन ।
चित्रकुट प्रहरीका अनुसार ती नेपाली महिलाको एक बच्चा पनि रहेको पत्ता लागेको छ । प्रहरीले हत्यामा संलग्न दुईजनालाई पनि पक्राउ गरेको जनाएको छ । शवलाई ल्याउन सहयोग गर्ने थप एक जनाको पनि खोजी कार्य जारी रहेको प्रहरीले जनाएको छ ।
पक्राउ पर्नेमा पश्चिम बंगालका ३५ वर्षीय स्वपन मण्डल र ३० वर्षीय सुमन विश्वास रहेका छन् । उनीहरु वेश्यावृत्तिको सञ्जालमा संलग्न रहेको बताइएको छ ।
प्रकाशित मिति: ३० भाद्र २०८०, शनिबार
