शिक्षक महासंघद्वारा आन्दोलनका कार्यक्रम घोषणा
काठमाडौं, भदौ २९ । नेपाल शिक्षक महासंघले आन्दोलनका कार्यक्रम घोषणा गरेको छ ।
महासंघले शुक्रबार काठमाडौंमा पत्रकार सम्मेलन गरि असोज ३ गतेदेखि विद्यालय बन्द गर्नेसम्मका आन्दोलनका कार्यक्रम घोषणा गरेको हो ।
शिक्षकका मागहरुलाई सम्बोधन नगरिकन शिक्षा विधेयक ल्याएको भन्दै महासंघले आन्दोलनका कार्यक्रम घोषणा गरेको नेपाल शिक्षक महासंघ राष्ट्रिय समिति अध्यक्ष कमला तुलाधरले बताइन् ।
उनले पहिलो चरणमा काठमाडौं केन्द्रित आन्दोलनको घोषणा गरिएको बताइन् ।
प्रकाशित मिति: २९ भाद्र २०८०, शुक्रबार
