दीपक–दीपाश्रीले सञ्चालनमा ल्याए ‘आईएनआई सिनेमा हल’
काठमाडौं, भदौ २९ । कलाकार तथा निर्देशक दीपकराज गिरी, दीपाश्री निरौलालगायतले आज (शुक्रबार)देखि आईएनआई सिनेमा हल सञ्चालनमा ल्याएका छन् ।
काठमाडौंको नयाँ बानेश्वरमा एक कार्यक्रम आयोजना गरी हल सञ्चालनमा ल्याइएको हो ।
पछिल्लो समय नेपाली रजतपटमा सफल जोडीका रूपमा रहेको दीपक र दीपाश्री एवं उनीहरूको समूहले सिनेमा हल निर्माण गरेर सञ्चालनमा ल्याएका हुन् ।
दुईवटा स्कृन रहने सिनेमा हलमा चार सय सिट छन् । निर्माण लागत करिब १० करोड रहेको दीपकले बताए । सिनेमा हलमा दीपकसँगै दीपाश्री, निर्मल शर्मालगायत ‘छक्का पञ्जा’ टिम र सञ्चारकर्मी प्रभात रिमालको कम्पनीको लगानी रहेको बताइएको छ ।
प्रकाशित मिति: २९ भाद्र २०८०, शुक्रबार
