यस वर्षको ‘मिस वर्ल्ड’को फिनाले दिल्लीमा हुने

काठमाडौं, भदौं २८ । विश्व सुन्दरी प्रतियोगिता २०२३ को फिनाले भारतको राजधानी नयाँ दिल्लीमा हुने भएको छ ।

प्रतियोगिता आगामी मंसिर ३० गते (डिसेम्बर १६) मा हुने द हिडन ट्रेजरका निर्देशक प्रमोद कंशाकारले दिल्लीमा प्रतियोगिता हुने निश्चित भएको जानकारी दिए ।

विवरणअनुसार २७ वर्षपछि भारतमा मिस वर्ल्ड आयोजना हुन लागेको हो ।

७१ औं संस्करणमा मिस नेपाल वर्ल्ड–२०२२ प्रियंकारानी जोशीले मुलुकको प्रतिनिधित्व गर्दैछिन् । अहिले उनी यसका लागि तयारीमा जुटेकी छन् ।

नेपालले ब्युटी विथ पर्पस र मल्टिमिडिया लगायतका फास्ट ट्रयाक विधामा दाबेदारी पेश गर्ने तयारी गरिरहेको छ ।

प्रियंकाले पनि सोहीअनुसार आफू यी फास्ट–ट्रयाक विधामा जित निकाल्ने रणनीतिमा लागेको बताएकी छन् ।