नेम्वाङको पार्थिव शरीर श्रद्धाञ्जलीका लागि पार्टी कार्यालयमा राखिने
काठमाडौं । संविधानसभा अध्यक्ष तथा नेकपा एमालेका उपाध्यक्ष सुवासचन्द्र नेम्वाङको पार्थिव शरीरलाई श्रद्धाञ्जली अर्पणका लागि आज दिउँसो १ बजेसम्म पार्टी कार्यालयमा राखिने भएको छ ।
नेकपा एमालेका अनुसार बिहान ९ बजेदेखि दिउँसो १ बजेसम्म पार्टी केन्द्रीय कार्यालय च्यासलमा श्रद्धाञ्जली अर्पण गर्न सकिने छ ।
नेम्वाङको ७१ वर्षको उमेरमा मंगलबार राति हृदयघातका कारण निधन भएको थियो । उनको बिहीबार मात्रै अन्त्यष्टि गरिने भएको छ ।
उनको राजकीय सम्मानसाथ अन्त्यष्टि गरिनेछ भने अन्तिम संस्कारका दिन सरकारले सार्वजनिक बिदासमेत दिएको छ ।
प्रकाशित मिति: २७ भाद्र २०८०, बुधबार
