विश्वकप हेर्न सचिन तेन्दुलकरलाई गोल्डेन टिकट

काठमाडौं, भदौ २२ । भारतीय महान क्रिकेटर सचिन तेन्दुलकरलाई भारतमा आयोजना हुने आईसीसी एकदिवसीय क्रिकेट विश्वकप हेर्न गोल्डेन टिकट प्रदान गरिएको छ ।

बोर्ड अफ कन्ट्रोल फर क्रिकेट इन इन्डिया (बीसीसीआई) का सचिव जय शाहले सचिनलाई गोल्डेन टिकट दिएका हुन् ।

भारत रत्न प्राप्त गरेका सचिनलाई ‘गोल्डेन टिकट फर इन्डिया आइकन्स’ अन्तर्गत उक्त टिकट दिइएको हो ।

यसअघि गत मंगलबार बीसीसीआईले भारतीय अभिनेता अमिताभ बच्चनलाई उक्त टिकट प्रदान गरेको थियो ।

भारतले अक्टोबर ५ देखि नोभेम्बर १९ तारिखसम्म एकदिवसीय विश्वकपको आयोजना गर्दैछ ।