नायिका निरुता सिंहले गरिन बिहे, को हुन् उनका पति ?
काठमाडौं, भदाै १६
नायिका निरुता सिंहले विवाह गरेकी छन् । पचासको दशकमा नेपाली चलचित्र उद्योगकी हिट रहेकी सिंहले गत बिहीबार आफ्नो विवाह भएको सार्वजनिक गरेकी छन् ।
उनले ५० को उमेर कटेपछि विवाह गरेर कहिले बिहे गर्ने भन्ने वर्षौँदेखिका प्रश्नहरूको जवाफ दिएको बताएकी छन् । भारतको मुम्बई निवासी संजीभ गुलाटीसँग लगन गाँठो जोडेको भन्दै उनले इन्सटाग्राममार्फत विवाह सार्वजनिक गरेकी हुन् ।
तुलसी घिमिरे निर्देशित चलचित्र दक्षिणाबाट चर्चामा आएकी निरुताले दर्जनौँ नेपाली चलचित्रमा अभिनय गरेपनि पछिल्लो समय सक्रिय छैनन् ।
निरुताले अभिनय गरेको पहिलो सफल चलचित्र दक्षिणमा नायक भुवन केसीसँग ‘सपना भई आँखामा आउने को होला ?’ बोलेको गीतमा उनको नृत्य कालजयी मानिन्छ ।
प्रकाशित मिति: १६ भाद्र २०८०, शनिबार
