हुलास वायरकाे ‘संवर्धन समारोह’ सम्पन्न

काठमाडौं, भदौ १० । हुलास वायर इण्डष्ट्रिज लिमिटेडले ‘संवर्धन समारोह’ इटहरीमा सम्पन्न गरेको छ ।
प्रख्यात ब्राण्ड हुलास वायर इण्डष्ट्रिजले शुक्रबार इटहरी स्थित सोल्टी वेष्टनमा समारोह कोशी प्रदेशका मुख्यमन्त्री उद्धव थापाको प्रमुख आतिथ्यमा सम्पन्न भएको हो ।

मुख्यमन्त्री थापाले विशिष्ट अतिथीको साथमा हुलास वायरको लोगो तथा विज्ञापनको भिडियो रिमोटद्वारा स्विचिंग गरि समारोहको समुद्घघाटन गरेर समारोहका उद्घाटन गरे । कार्यक्रमलाई सम्बोधन गर्दै मुख्यमन्त्री थापाले हुलास वायर इण्डष्ट्रिजको उत्तरोत्तर प्रगतिको लागि शुभकामना व्यक्त गरे ।

ब्राण्डलाई अझ सुदृढ र परिस्कृत गर्दै लैजाने उद्देश्यसहित आयोजना गरिएको समारोहमा हुलास वायरका ब्राण्ड एम्बेस्डर क्याप्टेन विजय लामा, हुलास वायरका अध्यक्ष राजलक्ष्मी गोल्छा, प्रबन्ध निर्देशक युक्ति गोल्छालगायत अतिथिहरुको सहभागिता थियो ।

सो अवसरमा लामो समयदेखि कम्पनीमा आबद्ध संघ संस्था एवं हुलास वायरका सदस्यहरुलाई मुख्यमन्त्री थापा, अध्यक्ष गोल्छा, ब्रान्ड एम्बेस्डर क्याप्टेन लामा, प्रबन्धन निर्देशक युक्ति गोल्छाले कदरपत्र वितरण गरेका थिए ।