स्काभेटरले भाेजपुरमा एक बालक घाइते
भाेजपुर, मंसिर १७
भोजपुरको टक्सार–९ स्थित दारेगौडामा स्काभेटरले फालेको माटोको डल्लोले किचेर एक बालक घाइते भएका छन् । उन्नती नेपाल संस्थाद्धारा सञ्चालित सडक मर्मतको क्रममा आज अपरान्ह स्थानिय तिलक बहादुर विष्टका ९ वर्षिय छोरा विक्रम विष्ट सक्त घाइते भएका हुन् ।
विष्टको दाहिने खुटा तिन ठाउँमा भाँचिएको र निधारमा गम्भिर चोट लागेको पारीवारीक स्रोतले जनाएको छ । सडक मर्मतको ठेक्का लिएको के.वाई.पी कम्पनी भने मौन रहेको उनीहरुको आरोप छ ।
घाइते विष्टको सिद्धकाली हस्पिटलमा प्रारम्भिक उपचार गरी थप उपचारका लागी अन्यत्र लाने तयारी गरिएको बताइएको छ । पिडित पक्षले उपचारका लागी सहयोग गर्न सम्बन्धीत पक्षसँग माग समेत गरेको छ ।
प्रकाशित मिति: १७ मंसिर २०७३, शुक्रबार
