चतुरबहादुर चन्द फेरि क्यान अध्यक्षमा उठ्ने
धनगढी, साउन ३२ । नेपाल क्रिकेट संघका (क्यान)का अध्यक्ष चदुरबहादुर चन्द फेरि पनि अध्यक्षमा उठ्ने भएका छन् ।
नेपाल क्रिकेट संघ कैलाली जिल्लाको अधिवेशन उद्घाटन समारोहमा उनले फेरि पनि क्यानको अध्यक्षमा उठ्ने घोषणा गरेका हुन् ।
नेपाली क्रिकेट अप्ठ्यारो अवस्थामा रहेको बेलामा काम गरेर अहिलेको अवस्थामा ल्याइपुर्याएकोले एकपटक पुनः अन्तिम पटकको लागि अध्यक्ष पदमा आउन चाहेको उनले बताए ।
आफू निर्वाचित भए अब सुदूरपश्चिमका लागि विशेष प्याकेजका रूपमा काम गर्ने समेत प्रतिबद्धता उनले व्यक्त गरे । आफूले गरेको कामको मूल्यांकन गर्दै उनले आफूलाई फेरि अध्यक्षमा जिताउनेमा ढुक्क रहेको बताएका छन् ।
जिल्ला क्रिकेट संघ कैलालीको अधिवेशनले विक्रम विष्टको नेतृत्वमा सर्वसम्मत कार्यसमिति पनि चयन गरेको छ ।
प्रकाशित मिति: ३२ श्रावण २०८०, बिहिबार
