अक्षय कुमारले पाए भारतीय नागरिकता

काठमाडौं, साउन ३० । बलिउड अभिनेता अक्षय कुमारले भारतीय नागरिकता प्राप्त गरेका छन् ।

उनले सामाजिक सञ्जाल ट्विटरमार्फत एक तस्बीर शेयर गर्दै भारतीय नागरिकता प्रमाणपत्र प्राप्त गरेको जानकारी दिएका हुन् ।

अक्षय कुमारले नागरिकता प्रमाणपत्रको तस्बिर शेयर गर्दै लेखेका छन्, हृदय र नागरिकता दुवै हिन्दुस्तानी । स्वतन्त्रा दिवसको शुभकामना । जय हिन्द ।

अक्षय कुमार अहिलेसम्म क्यानडाको नागरिक थिए । अक्षय कुमारको नागरिकतालाई लिएर सामाजिक सञ्जालमा प्रश्न उठ्दै आएको थियो ।