एल्विश यादवले जिते बिग बस ओटिटी सिजन–२ को उपाधि

काठमाडौं, साउन ३० । बिग बस ओटिटी सिजन–२ को उपाधि वाइल्ड कार्ड एन्ट्री एल्विश यादव जितेका छन् । यो सिजनको शीर्ष पाँच प्रतिस्पर्धीमा एल्विश यादव, अभिषेक मल्हार, मनिष रानी, बेबिका धुर्वे र पूजा भट्ट थिए ।

सबैभन्दा पहिला पूजा भट्ट बाहिरिइन्, त्यसपछि बेबिका पनि विजेताको दौडबाट बाहिरिइन् । शीर्ष तीनको प्रतिस्पर्धा एल्विश, अभिषेक र मनिषा रानीबीच भयो । बाजी मारे एल्विशले । उनले ट्रफी र २५ लाख भारु इनाम पाए ।

एल्विश र अभिषेक दुवै चर्चित युट्युबर हुन् र सोसल मिडियामा यी दुईका प्रशंसक लाखौँको सङ्ख्यामा छन् ।

अभिषेकले आफू बिग बसको घरमा पहिलेदेखि नै भएकोले विजेताको हकदार आफू नै हुनुपर्ने बताउँदै आएका थिए ।