रोनाल्डोको टिमले जित्यो अरब कप च्याम्पियन्स लिगको उपाधि

रियाद । क्रिस्टियानो रोनाल्डोको शानदार प्रदर्शनमा अल नासरले अरब कप च्याम्पियन्स लिग फुटबलको उपाधि जितेको छ ।

हिजो (शनिवार) राति भएको खेलमा अल हिलाललाई २–१ गोलले पराजित गर्दै अल नासरले उपाधि जितेको हो ।

अल नासरमा रोनाल्डोको यो पहिलो उपाधि हो भने अल नासरले पनि पहिलो पटक अरब कप च्याम्पियन्स लिगको उपाधि जितेको हो ।

गत सिजन रोनाल्डोले अल नासरका लागि एउटा पनि उपाधि जित्न सकेका थिएनन् । रोनाल्डोले टोलीका दुवै गोल गरेका थिए । उनले अतिरिक्त समयमा ती गोल गरेका थिए ।