फिल्म ‘हिँड्दा हिँड्दै’को ट्रेलर सार्वजनिक (भीडीओ)
काठमाडौं, साउन १७ । फिल्म ‘हिँड्दा हिँड्दै’को ट्रेलर सार्वजनिक भएको छ । आकाश श्रेष्ठ र रेखा शाहको शीर्ष भूमिकामा रहेको
फिल्मको सार्वजनिक ट्रेलरमा प्रेम र प्रेममा आउने उतारचढावलाई देखाइएको छ ।
फिल्म मिलन आले मगरले निर्देशन गरेका हुन् । भदौ १ गतेदेखि प्रदर्शनको तयारीमा रहेको फिल्ममा सलोन बस्नेत, सानिया खान, विकास थापा मगर, विमल श्रेष्ठ र बाल कलाकारमा अर्विन थिङ्ग लगायतको अभिनय छ ।
नारायण सुशील पंगेनी इन्टरटेनमेन्ट प्रालिको ब्यानरमा निर्माणमा भएको फिल्ममा सुशील पंगेनीको लेखन तथा निर्माण छ ।
विमल श्रेष्ठ प्रस्तुतकर्ता रहेको फिल्ममा तारा प्रकाश र किरण माइकलको संगीत, कबिराज गहतराज र सुरेन्द्र बसेलको कोरियोग्राफी र देव महर्जनको द्वन्द्व छ ।
प्रकाशित मिति: १७ श्रावण २०८०, बुधबार
