प्रावि शिक्षकको विषयगत परीक्षाकाे मिति सर्याे
काठमाडौं, साउन १५ । शिक्षक सेवा आयोगले आगामी असोज ६ गते तोकिएको प्राथमिक तह शिक्षक पदको विषयगत परीक्षा १३ गतेलाई सारेको छ ।
सोमबार सूचना प्रकाशित गरी शिक्षक सेवा आयोगले लोकसेवा आयोगले लिने खरिदार पदको परीक्षासँग जुध्न गएकाले १३ गतेलाई सारिएको जानकारी दिएको छ । परीक्षा हुने समय र स्थान भने परिवर्तन गरिएको छैन ।
आयोगले प्रावि तहमा शिक्षक पदको लागि ६ हजार १३ रिक्त दरबन्दीमा पदपूर्तिका लागि परीक्षा सञ्चालन गर्न लागेको हो ।
प्रकाशित मिति: १५ श्रावण २०८०, सोमबार
