नयाँ फिल्मको तयारीमा दीपक–दीपा

काठमाडौं, साउन ८ । निर्माता तथा अभिनेता दीपकराज गिरी र निर्देशक दीपाश्री निरौला नयाँ फिल्मको तयारीमा जुटेका छन् । ‘छक्कापञ्जा ४’ पछि यो जोडी अर्को फिल्मको तयारीका लागि जुटेको हो ।

दीपकको होम प्रोडक्सन कम्पनी आमा सरस्वती मुभिजबाट बन्ने आगामी फिल्मको छायांकन मंसिर १ गतेदेखि थाल्ने तयारी छ । जुन फिल्मलाई दीपाश्री निरौलाले निर्देशन गर्ने निश्चित भएको छ ।

दीपकका अनुसार चैत वा वैशाख वरपर फिल्म रिलिजको तयारी छ ।