शिव परियारको गीति एल्बम ‘तिमी र म’ सार्वजनिक
काठमाडौं, साउन ७ । गायक तथा सङ्गीतकार शिव परियारको गीति एल्बम ‘तिमी र म’ सार्वजनिक भएको छ ।
परियारको एकल स्वर तथा सङ्गीत रहेको गीति एल्बम राजधानीमा एक कार्यक्रमकाबीच सार्वजनिक गरिएको हो । एल्बममा कवि तथा गीतकार सागर फुयाँलको एकल शब्द छ ।
एल्बममा ‘तिमी हौ सबथोक मेरो’, ‘तिमी र म अनि शीतल धुन’, ‘मेरो ज्यान भन्छ्यौ भने’, ‘हाम्रो माया एक नदीको दुई किनार’, ‘जिउन मन छैन अधर तिम्रो नहेरी’ र ‘तिमी फूल हौ सुगन्ध छर्नु पर्छ तिमीले’ लगायत रहेका छन् ।
एल्बममा रहेको ‘तिमी हौ सबथोक मेरो’ बोलको गीतको भिडियो समेत बनेको छ । भिडियोमा अभिनेता अनुप विक्रम शाही र अभिनेत्री मिरुना मगरले अभिनय गरेका छन् ।
प्रकाशित मिति: ७ श्रावण २०८०, आइतबार
