रेखा शाहको डेब्यू फिल्म ‘हिँड्दा–हिँड्दै’ को टिजर सार्वजनिक (भिडिओ)

काठमाडौं, असार २९ । अभिनेता आकाश श्रेष्ठ र रेखा शाह अभिनित फिल्म ‘हिँड्दा–हिँड्दै’ को टिजर सार्वजनिक भएको छ ।

मिलन आलेमगरले निर्देशन गरेको फिल्म ‘हिँड्दा–हिँड्दै’को टिजर साइराम पिक्चर्स युट्युब च्यानलमार्फत सार्वजनिक गरिएको हो।

सार्वजनिक टिजरमा अभिनेता आकाश श्रेष्ठ र रेखा शाहबीच प्रेम र बिछोडको कथा झल्किएको छ। उनीहरूसँगै सलोन बस्नेत र सानिया खानलाई रोमान्टिक भावमा प्रस्तुत गरिएको छ।

सुशिल पंगेनीको लेखन तथा निर्माण रहेको फिल्ममा आकाश श्रेष्ठ, रेखा शाह, सलोन बस्नेत, सानिया खान, बिमल श्रेष्ठ, विशाल श्रेष्ठ, विकास थापामगर, ममता पौडेल, बालकलाकार अर्विन थिङलगायत कलाकारको अभिनय छ। यो रेखा शाहको डेब्यू फिल्म हो।

नारायण सुशिल पंगेनी इन्टरटेन्मेन्ट र बिमल श्रेष्ठको प्रस्तुति रहेको फिल्मको निर्मातामा राज लामा छन्। प्रमोदकुमार तामाङ र महादेव साह सहनिर्माता रहेको फिल्मको छायांकन सुमनकुमार तन्डुकारले गरेका हुन्।

फिल्ममा ताराप्रकाश लिम्बु र किरणमाइकल घिमिरेको संगीत, कविराज गहतराज र सुरेन्द्र बसेलको कोरियोग्राफी र देव महर्जनको द्वन्द्व निर्देशन छ। फिल्म भदौ १ गतेदेखि प्रदर्शन हुँदैछ।