वडाध्यक्ष रोका एसईई उत्तीर्ण
काठमाडौं, असार २२ । म्याग्दीको मङ्गला गाउँपालिका–१ कुहुँका वडाध्यक्ष एकजित रोका एसईई उत्तीर्ण भएका छन् ।
उनी पढाइ छाडेको २१ वर्षपछि एसइई परीक्षा उत्तीर्ण भएका हुन् । दीपशिखा मावि कुहुँबाट परीक्षामा सहभागी भएका वडाध्यक्ष रोका दुई दशमलव ६५ जिपिए ल्याएर उत्तीर्ण भए ।
२०५८ सालमा एसएलसी परीक्षामा सामेल भएका रोकाले अनुत्तीर्ण भएपछि पढाइ नै छाडेका थिए । एसएलसीमा फेल भएपछि उनले वैदेशिक रोजगारको सिलसिलामा मलेसिया र अफगानिस्तानमा आठ वर्ष बिताएका थिए ।
प्रकाशित मिति: २२ असार २०८०, शुक्रबार
