कांग्रेस जिल्ला सभापतिको भेला काठमाडौंमा आजदेखि, के-के छन् एजेन्डा ?

काठमाडौं, असार २१
नेपाली कांग्रेसका जिल्ला सभापतिहरूको बैठक आज बस्दैछ ।

सानेपास्थित पार्टी केन्द्रीय कार्यालयमा दिउँसो १२ बजे बैठक बस्न लागेको हो ।

पार्टी महामन्त्रीद्वय गगन थापा र विश्वप्रकाश शर्माले जिल्ला सभापतिहरूलाई छलफलका लागि काठमाडौं बोलाएका हुन् ।

आज र भोलि (शुक्रबार) सञ्चालन हुने बैठकमा मुख्य छलफल पार्टी सदस्यता वितरण, नवीकरण र पार्टी सञ्चालन विधिबारे हुने छ ।