प्रतिनिधिसभा बैठक बस्दै, यस्तो छ सम्भावित कार्यसूची
काठमाडौं, असार २०
प्रतिनिधिसभा बैठक आज बस्दै छ । बैठक दिउँसो ३ बजे सङ्घीय संसद् भवन नयाँ वानेश्वरमा बस्न लागेको हो ।
संसद् सचिवालयका अनुसार आजको बैठकमा राष्ट्रिय सभामा उत्पत्ति भएको नेपाल विश्वविद्यालय विधेयक २०८० को सबन्धमा राष्ट्रिय सभाबाट प्राप्त सन्देशसहितको विधेयक टेबुल हुनेछ ।
यस्तै कानुन, न्याय तथा संसदीय मामिला मन्त्री धनराज गुरुङले मुलुकी संहिता सम्बन्धी केही नेपाल ऐनलाई संशोधन गर्न बनेको विधेयक २०८० माथि दफावार छलफल गरियोस् भन्ने प्रस्ताव पेस गर्ने कार्यसूचीमा उल्लेख छ ।
सो विधेयकमाथि छलफल भएपछि त्यसमा आएका संशोधनहरू निणार्याथ प्रस्तुत हुनेछ भने त्यस विधेयकलाई आजै पारित गरिने संसद् सचिवालयले जनाएको छ ।
प्रकाशित मिति: २० असार २०८०, बुधबार
