दीपेन्द्रसिंह ऐरीको पुग्यो ५०औं एकदिवसीय खेल
काठमाडौं, असार १९ । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले आज आफ्नो ५०औं एकदिवसीय खेल खेल्दैछन् । आयरल्यान्डविरुद्धको यस खेलसँगै ऐरीको ५०औं एकदिवसीय खेल पुगेको हो ।
नेपालका लागि ५०औं एकदिवसीय खेल खेल्ने दीपेन्द्र दोस्रो नेपाली खेलाडी हुन् । यसअघि आइसीसी एकदिवसीय विश्वकप छनोट खेलमा नेदरल्यान्ड्सविरुद्ध नेपाली टोलीका कप्तान रोहित पौडेलले ५०औं खेल पूरा गरेका थिए ।
दीपेन्द्र र रोहितपछि नेपालका लागि धेरै एकदिवसीय खेल खेल्ने खेलाडीमा सन्दीप लामिछाने, आरिफ शेख र सोमपाल कामी छन् । लामिछाले ४९ र आरिफ शेख र सोमपाल कामी ४७÷४७ खेल खेलेका छन् ।
प्रकाशित मिति: १९ असार २०८०, मंगलबार
