विश्वकप छनोट : आयरल्यान्डविरुद्ध नेपाल पहिले ब्याटिङ गर्दै
काठमाडौं, असार १९ । आइसीसी एकदिवसीय विश्वकप छनोट अन्तर्गत सातौं स्थानका हुने खेलमा नेपालले आयरल्यान्डविरुद्ध पहिले ब्याटिङ गर्दैछ ।
जिम्बावेको ताकाशिंगा स्पोर्ट्स क्लबको मैदानमा आयल्यान्डले टस जितर बलिङ रोजेपछि नेपालले पहिला ब्याटिङ गर्न लागेको हो । आयरल्यान्ड टेस्ट मान्यता प्राप्त टोली हो ।
नेपालले सातौं स्थानका लागि आइतबार भएको दोस्रो सेमिफाइनल खेलमा संयुक्त अरब इमिरेट्स (यूएई) लाई तीन विकेटले हराउँदै आयरल्यान्डसँगको भेट पक्का गरेको थियो ।
नेपालले आज आयरल्याण्डविरुद्धको खेलमा टोलीमा रहेका प्रतिस जिसी र आरिफ शेखको स्थानमा किशोर महतो र कुशल मल्ललाई मौका दिएको छ ।
प्रकाशित मिति: १९ असार २०८०, मंगलबार
