एसीसी मेन्स यू-१६ इस्ट जोन कपको उपाधि नेपालाई

काठमाडौं, असार १९ । एसीसी मेन्स यू–१६ इस्ट जोन कपको उपाधि नेपालले जितेको छ । मंगलवार भएको खेलमा मलेसियाविरुद्ध सानदार बलिङ गर्दै नेपालले मेन्स यू–१६ इस्ट जोन कपको उपाधि जितेको हो ।

आज मंगलबार भएको फाइनलमा घरेलु टोली मलेसियालाई २२१ रनको फराकिलो अन्तरले हराएको हो ।

नेपालले दिएको २५३ रनको विशाल लक्ष्य पछ्याएको मलेसिया नेपालका बलर सामु टिक्नै सकेन । मलेसिया १४.५ ओभरमा ३१ रन मात्रै बनाएर अल आउट भयो ।

नेपालका लागि अभिषेक तिवारीले सर्वाधिक पाँच विकेट लिए । त्यस्तै सन्तोष यादवले तीन र सागर गैरेले एक विकेट लिए ।

यसअघि टस जितेर पहिले ब्याटिङ गरेको नेपालले निर्धारित ३५ ओभरमा आठ विकेट गुमाएर २५२ रन बनाएको थियो । नेपालका लागि नरेन भट्टले सानदार शतक प्रहार गरेका थिए ।