चित्रबहादुर केसी दुर्घटनामा घाइते, उपचार हुँदै
काठमाडाैं, मंसिर ८
राष्ट्रिय जनमोर्चाका अध्यक्ष एवं पूर्व उपप्रधानमन्त्री चित्रबहादुर केसी माइक्रो बसबाट लडेर घाइते भएका छन् । केसी कपनस्थित पार्टी कार्यालय जाने क्रममा दुर्घटनामा परेका हुन् । केसीका भतिज हिरा केसीका अनुसार उनकाे टाउको र ढाडमा चोट लागेको छ ।
केसी माइक्रो बसको ढोका छेउको सिटमा बसेका थिए । उनको केएमसी अस्पतालमा उपचार भइरहेको छ । स्थानीयको सहयोगमा केसीलार्इ अस्पताल लगिएको र अहिले अवस्था समान्य रहेको भतिज हिराले जानकारी दिए । अध्यक्ष केसीलाई आज अस्पतालमै राखेर उपचार गरिने भएकाे छ ।
केसी ट्याम्पाे, माइक्राे लगायतका सार्वजनिक यातायात चढेर यात्र गर्दछन् ।
प्रकाशित मिति: ८ मंसिर २०७३, बुधबार
