एसिसी यु-१६ इस्टर्न जोन कप : आज नेपाल र मलेसिया खेल्दै

काठमाडौं, असार १५
एसीसी १६ वर्षमुनिको इस्टर्न जोन कपमा समूह चरणको अन्तिम खेलमा आज नेपाल र घरेलु टोली मलेसिया भिड्दै छन् ।

खेल मलेसियाको राजधानी क्वालालम्पुरको बायुमास ओभलमा बिहान सवा ७ बजेदेखि सुरु हुनेछ ।

समूह ‘ए’ को पहिलो खेलमा थाइल्यान्डलाई २ सय २५ रनको फराकिलो अन्तरले हराएको नेपाल सेमिफाइनलमा पुगिसकेको छ । आजको खेल जिते नेपाल समूह विजेता बन्नेछ ।

समूह ‘ए’ मा नेपाल, थाइल्यान्ड र मलेसिया तथा समूह ‘बी’ मा सिंगापुर, हङकङ, माल्दिभ्स र इन्डोनेसिया रहेका छन् ।