हाँस्य कलाकार ‘बले’ले फिल्म निर्माण गर्दै

काठमाडौं, असार १४ । हाँस्य कलाकार सागर लम्साल ‘बले’ले फिल्म निर्माण गर्ने भएका छन् । उनले सामाजिक सञ्जाल मार्फत फिल्म निर्माण गर्न लागेको जानकारी दिएका हुन् ।

उनले आफ्नै होम प्रोडक्सन बेले इन्टरटेनमेन्टबाट फिल्म निर्माण गर्न लागेका हुन् । त्यसकालागि अहिले उनले आफैंले स्क्रिप्ट लेखन गरिरहेको बताएका छन् ।

उनले सामाजिक सञ्जालमा लेखेका छन्,‘१२ वर्ष अगाडि चलचित्र ‘लोफर’ बाट अभिनय यात्रा सुरु गरि चर्चित हाँस्य टेलिशृङ्खला भद्रगोल तथा सक्किगोनी हुँदै म्युजिक भिडियो अभिनय तथा प्रोडक्सनमा यहाँहरूले दिएको मायालाई आत्मसाथ गर्दै अबको यात्रामा आफ्नै बले इन्टरटेनमेन्टको होम प्रोडक्सनमा चलचित्र निर्माणको सोच बनाएको छु । यहाँहरूको माया तथा हौसलाको अपेक्षा ।’