सन्दीप लामिछानेको एकदिवसीय वरीयता खस्कियो, कसको वरीयता कति ?
काठमाडौं, असार १३ । नेपाली क्रिकेटर सन्दीप लामिछानेको एकदिवसीय अन्तर्राष्ट्रिय वरीयता खस्किएको छ ।
आईसीसीले सार्वजनिक गरेको नयाँ वरीयताअनुसार सन्दीपको बलिङतर्फको वरीयता पाँच स्थान तल खस्किएको हो । यसअघि उनी २४ औँ स्थानमा रहेका थिए ।
त्यसैगरी ५७ औँ स्थानमा रहेका दिपेन्द्र सिंह ऐरी ५९ औँ स्थान, ६७ औँ स्थानमा रहेका सोमपाल कामी ७४ औँ स्थानमा झर्दा करण केसी ९२ औँ स्थानमा यथावत छन् ।
यता ललित नारायण राजवंशी शीर्ष १०० मा रहँदै ९५ औँ स्थानमा छन् । ब्याटिङतर्फ ६८ औँ स्थानबाट रोहित पौडेल ७० औँ स्थान तथा आशिफ शेख ७२ औँ स्थानमा झरेका छन् ।
प्रकाशित मिति: १३ असार २०८०, बुधबार
