कांग्रेसमा प्रवेश गरेकी स्वेता किन गइन् ओलीलाई भेट्न ?

काठमाडौं, असार १२ । अभिनेत्री श्वेता खड्का दम्पतीले आज (मंगलबार) पूर्वप्रधानमन्त्री एवम् एमाले अध्यक्ष केपी शर्मा ओलीलाई भेटेका छन् । ओली निवास बालकोट पुगेर उनीहरूले ओलीलाई भेटेका हुन् ।

छोरी ब्रीआनासहित बालकोट पुगेका खड्का दम्पतीले ओलीसंग खिचेका तस्बीर सामाजिक सञ्चालमा पोष्ट गरेका छन् । तस्बीरमा ओलीले ब्रीआनालाई आशीर्वाद दिँदै काँधमा समेत लिएका छन् ।

खड्काले तस्बिरका साथ लेखेकी छन्, काम ठूलो हुन् पर्दैन । जे गर्छौ प्रेम पूर्वक गर्दा । सदैव लक्ष्मीको बास हुन्छ । सम्माननीय पूर्व प्रधानमन्त्री केपी बुबा हजुरसँग पहिलो भेट ब्रीआनाका । आशीर्वाद लिँदै ।’

श्वेता केही समय पहिले नेपाली कांग्रेसका प्रवेश गरेकी थिइन् । अहिले उनी ओलीलाई भेट्न पुगेपछि एमाले प्रवेश गर्न लागेकी हुन् कि भन्ने आशंका गरिएको छ ।