जापानमा हृदयघातबाट नेपाली विद्यार्थीको निधन
टोकियो, असार १० । जापानको नागोयामा एक नेपाली विद्यार्थीको हृदयघातबाट निधन भएको छ ।
ताप्लेजुङ सांथाक्रा स्थायी घर भै हाल नागोयाको नाकामुरा वार्डस्थित जापानी भाषा विद्यालयमा अध्ययनरत १९ वर्षीय बचन क़ेदेम लिम्बुको शुक्रवार बिहान हृदयघातबाट निधन भएको हो ।
लिम्बुको हृदयघातबाट निधन भएको अस्पतालले जानकारी दिएको एनआरएनएका आइसीसी सदस्य दिपक कार्कीले जानकारी दिए ।
४ महिना अघिमात्र जापान आएका लिम्बु शुक्रबार छात्रवास (होस्टेल) बाट विद्यालय जाने क्रममा ट्रेन स्टेशन नजिक एक्कासी ढलेका थिए ।
मृतक लिम्वूको शव नेपाली दूतावासबाट आवश्यक कागजी प्रक्रिया पुरा गरि नेपाल पठाउन पहल भइरहेको छ ।
प्रकाशित मिति: १० असार २०८०, आइतबार
