चिनियाँ राष्ट्रपति सी तानाशाह : बाइडेन
काठमाडाैं, असार ७
अमेरिकाका राष्ट्रपति जो बाइडेनले चिनियाँ राष्ट्रपति सी चिनफिङलाई तानाशाहको संज्ञा दिनु भएको छ ।
दुई महाशक्ति राष्ट्रबीचको तनाव कम गर्ने उद्देश्यले बेइजिङमा भएको वार्ताका लागि अमेरिकी विदेशमन्त्री एन्टोनी ब्लिन्केनले सीलाई भेटेको एक दिनपछि बाइडेनको भनाई सार्वजनिक भएको हो । बाइडेनको सो भनाईप्रति चीनले भने कुनै प्रतिक्रिया जनाएको छैन ।
ब्लिन्केनको भ्रमण पाँच वर्षपछि अमेरिकी कुटनीतिज्ञको पहिलो भ्रमण हो ।
ब्लिन्केनको भ्रमणसंगै दुई देशबीचको उच्च स्तरीय सञ्चार पुन: शुरु भएको छ । बेलुन घटनापछि ब्लिन्केनले भ्रमण स्थगित गर्नु भएको थियो । व्यापार युद्ध, ताइवानमाथि बेइजिङको दाबी र कथित जासूस बेलुन खसालेको विषयले दुबै देशको सम्बन्ध चिसिएको थियो ।
प्रकाशित मिति: ७ असार २०८०, बिहिबार
