बालेनका शिक्षा सल्लाहकार अर्यालद्वारा राजीनामा, लगाइन् यस्तो आरोप
काठमाडौं, असार ६ । काठमाडौं महानगरपालिकाका मेयर बालेन्द्र शाह (बालेन)का शिक्षा सल्लाहकार रेशु आर्यालले राजीनामा दिएकी छन् ।
पछिल्ला घटनाक्रममा महानगरका मेयर शाहले लिएका निर्णय आफ्नो मुल्य मान्यता विपरीत भएका र ती निर्णय आफ्नो घर परिवारसँग पनि जोडिएकाले राजीनामा दिएको उनले बताएकी छिन् ।
भारतीय चलचित्र आदिपुरूषमा व्यक्त भएका संवादलाई कारण देखाउँदै शाहले काठमाडौं महानगर भित्रका हलमा भारतीय चलचित्र नचलाउन निर्देशन दिएका छन् ।
अर्यालको परिवारका सदस्य फिल्म हलको व्यवसायमा पनि संलग्न छन् । उनले महानगरको शिक्षा सल्लाहकार रहँदा आफूले सकेको काम गरेको भन्दै उनले सार्वजनिक शिक्षाकै क्षेत्रमा आफूले काम गर्ने बताएकी छिन् ।
कोलम्बिया विश्वविद्यालयको टिचर्स कलेजबाट शैक्षिक सुधारको लागि नेतृत्व विषयमा स्नातकोत्तर गरेकी र सामाजिक अभियन्तासमेत रहेकी अर्याल टिच फर नेपालको संस्थापक बोर्ड सदस्य तथा पूर्व अध्यक्ष हुन् ।
प्रकाशित मिति: ६ असार २०८०, बुधबार
